Endi qalalyq ákimdikke júginý úshin kabınetterdiń tabaldyryǵyn tozdyrýdyń qajeti joq. Ótinishti áleýmettik jelilerde nemese qońyraý shalý arqyly qaldyrýǵa bolady. Mamandardyń aıtýynsha, halyqpen jumystyń jańa formaty jedeldikti arttyrýǵa jáne sybaılas jemqorlyq táýekelderin azaıtýǵa múmkindik beredi.

–  Kelip túsken barlyq ótinishter aqparattyq júıede tirkelip, ákimdiktiń tıisti bólimderine jiberiledi. Jaýap on kún nemese odan buryn daıyn bolady. Basty mindet –  baılanys telefonyn qaldyrý qajet, –   dedi qoǵamdyq qabyldaý bóliminiń mamany Dana Sıgýatova. –   Barlyq ótinishter kún saıyn qabyldanady.

Bir apta ishinde qoǵamdyq qabyldaý bólimine 30 ótinish kelip tústi.

Jaqynda qalalyq ákimdikte front-ofıs jumys isteıdi. Onda jer qatynastary, sáýlet, jumyspen qamtý jáne áleýmettik baǵdarlamalar, turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimderiniń mamandary keńes berip, qujattardy qabyldaıdy. Bul ofıske kelgenderdiń barlyǵy jumys kúnderi saǵat 09.00-den 18.30-ǵa deıin keńester men qyzmetterdi ala alady.

Áleýmettik jelilerdegi akkaýnttar:

- Instagram: @Qabyldau.akimsemey

- facebook: sandyq qoǵamdyq qabyldaý

- telegram: 8 708 467 25 11

- twitter: sandyq qoǵamdyq qabyldaý

Ótinishter 24/7 rejıminde qabyldanady.

Ótinishti WhatsApp mobıldi qosymshasy arqyly myna baılanys nómerge + 7 708 467 25 11 joldaýǵa bolady.

Eger smartfon nemese kompúter bolmasa, qoǵamdyq qabyldaý bólmesine 52-15 nómirine habarlasýǵa bolady.

Semeı qalasynyń aqparattyq ortalyǵy